Dengue Fever.& Other Fever. Cont. Shraddha Wealth Management pvt.ltd.

Dengue Fever.& Other Fever. Cont. Shraddha Wealth Management pvt.ltd.
9967460086/ 8655503980 / 9594014509 / 7506288705

म. टा. खास प्रतिनिधी, मुंबई
मुंबईत डेंग्यूमुळे दहशतीचे वातावरण असतानाच दुसरीकडे तापाची साथही पसरत आहे. नोव्हेंबर महिन्यात पालिकेच्या हॉस्पिटलांत चार हजार ८०० पेशंट आढळून आले आहेत. पालिका हॉस्पिटलांत नोव्हेंबर महिन्याच्या पहिल्या आठवड्यात तापाच्या दोन हजार ५२८, तर दुसऱ्या आठवड्यात दोन हजार २७२ पेशंटची नोंद झाली. त्यामुळे डेंग्यूबरोबरच तापाचे मोठे आव्हान आरोग्य यंत्रणेसमोर उभे ठाकले आहे. हवामान बदलामुळे तापाची साथ अधिक पसरण्याची शक्यता यापूर्वीच डॉक्टरांनी वर्तवली आहे. शहरात स्वाइन फ्लूचाही एक पेशंट आढळला आहे. डेंग्यूचे ८१ पेशंट आढळल्याची नोंद असली तरी प्रत्यक्षात हा आकडा अधिक असण्याची शक्यता आहे.
डेंग्यू 'गणित' बिघडलेलेच!
अंधेरीतील एका हॉस्पिटलमध्ये एका युवकाचा डेंग्यूने मृत्यू झाला आहे. पण डेंग्यूच्या पेशंटच्या नक्की आकडेवारीबाबत मुंबई महापालिका प्रशासनही संभ्रमात आहे. खासगी हॉस्पिटल व पालिका हॉस्पिटलमधील आकडेवारीबाबत गोंधळाचे वातावरण आहे. त्यामुळे डेंग्यूचे नक्की पेशंट व मृतांचा आकडा केईएम हॉस्पिटलच्या प्रशासनाने मागवून घेतला आहे. मुंबई पालिकेच्या हॉस्पिटलमध्ये डेंग्यूचे पेशंट उपचारांसाठी दाखल असले, तरी सर्व पेशंट मुंबईतील नाहीत. त्यामुळे मुंबईतील पेशंट व मुंबई बाहेरील पेशंट किती, याचीही आकडेवारी मागवण्यात आली आहे. त्यामुळे गोंधळाचे वातावरण दूर होण्यास मदत होईल.
इबोलाशी लढण्याचे प्रशिक्षण
भारतात इबोलाला पहिला पेशंट सापडला आहे. यामुळे आरोग्य विभाग सतर्क झाला असून त्याचाच एक भाग म्हणून पालिकेच्या हॉस्पिटलमध्ये इबोलाबाबत डॉक्टरांना नव्याने प्रशिक्षण देण्यात येत आहे. केईएम हॉस्पिटलमध्ये बुधवारी डॉक्टरांना इबोला पेशंटला हाताळण्याबाबतचे प्रश‌क्षिण देण्यात आले. पेशंटची लक्षणे व डॉक्टरांनी कोणती काळजी घ्यावी याची माहिती डॉक्टरांना देण्यात आली.
सतरावा बळी
अंधेरीच्या होली स्पिरिट हॉस्पिटलमध्ये ३६ वर्षाच्या युवकाचा बुधवारी डेंग्यूने मत्यू झाला. त्यामुळे आतापर्यंत डेंग्यूने मृत्युमुखी पडलेल्याची संख्या १७ झाली आहे.